Posts

111. Wari o bakiambithia Mwathani

 1.  Wari o bakiambithia Mwathani? Wari o bakiambithia Münküüri ? Wu...i rimwe ûni ni makaga  na nkainaina mono, ndathugania uria baamwambithirie. 2.  Wari o riüa riatiga kwara?  Wari o nthigürûikigia muundu?  Wũ...i rimwe uni ni makaga  na nkainaina mono  ndathugania üria kwagire mundu. 3.   Wari o bakimümunta mbaru? Wari o We akiira tharike? Wũ… i rimwe uni nî makaga  na nkainaina mono ndathugania uria bamumuntire. 4.  Wari o agikwa gikurungune  Ndathugania úria baamüthikire. Wari o bakithika Münküüri, Wü...i rimwe ûni ni makaga  na nkainaina mono ndathugania uria baamuthikire. 5.  Wari o Mwathani akiriûka? Wari o akiuma kiri akuũ ?  Haleluya! Uni neancamukaga  na nkagwirua mono  Ndathugania úria we aariûkire.

112. Küriîranwa atia nandi

  1.  Küriîranwa atia nandi  Nthi iji o na Igürü? Ba Igürûbariina Nthigürû igeetikia Büthikiireni bwigue Kenya nabui bwitikia, Tontu ni uju bakuuga "Kristo ni ariûkîte. 2.   Mbirira iküremwa,  Na niyümbitwe buru, Kristo atitheekeka  Niaumite gwa nkoma No rimwe niakuire Ni kenda tuï twonoke; Nandi ningi arî mwoyo, Ni aumîte gîkuu-ne. 3.  Kristo nĩatongereetie, Atwonie a gwitîîra; Nandi tumuthingate, Twite na njira yawe! Mwene nthi na Îgürü Nandi tugukügoonga, Na ningi twagukumia Narua iji wariûka!

113. Mwathani akûriûka

  1.  Mwathani akûriûka, Thireni rweni rwa gîkuũ; Narua tukumenyithua, Tütigatüüra nkome-ne. Alleluya! 2.  Mwathani akûriûka, Aküneneua Îgürü: Nawe agatwiîjîra. Twite tugatuure na We. Alleluya! 3.  Mwathani akûriûka, Aakuire ni untù bwetu; Mwoyo jwetu jûtûûre, Jwagirite o ta jwawe. Alleluya... 4.  Mwathani akûriûka, Tügeetikia wendo bwawe; Tutikariathukana. Nawe atikarituta. Alleluya! 5.  Mwathani akûriûka, Mpingiro ikuruguka; Natweteerete kîome. Atükürükie kwa Paaba. Alleluya!

114. Jesû Kristo akûriûka,

 1.  Jesû Kristo akûriûka, Tukumagie Jesû tûmûkumie. Arimo na antu bonthe, Bakumagie Jesû bamûkumie  Ineni nthi negûrû, Tukumagie Jesû tûmûkumie; Tukoombana kunthe untu bwawe, Tukumagie Mwathani tümûkumie. 2.  Ngugi ciawe ni cia wendo, Tükumagie Jesû tümükumie; Aakuire ni üntûbwetű, Nandi nkoma îküümbwa, Tükumagie Jesû tümükumie. Niwe ûgatüma twona mwoyo, Tükumagie Mwathani tümükumie. 3.   Inya yawe ni inene, Tükumagie Jesû tümükumie. Banarî baamüüragire, Tükumagie Jesû tûmûkumie, Atoombirwe nî gîkuu, Tükumagie Jesû tûmûkumie; Jesû naarugurire Îgürü, Tükumagie Mwathani tümükumie. 4.  Tümüthingatage bwega, Tükumagie Jesû tûmûkumie. Jesû ni Mwathani 'Mwega, Tukumagie Jesû tümükumie. Tontû büû tükariuka, Tukumagie Jesû tûmûkumie. Tugatüüre kwawe kugwîrue-ne; Tukumagie Mwathani tumukumie.

115. Naakuire mûtî-ne

 1.  Naakuire mûtî-ne,  Jesû Münküüri; Kenda atwonokie,  Mwathi wetu.      Na ni aariûkire,     Nawe arauma mbîrîre-ne,     Naariukire arauma gwa nkoma;     Na nandi atwire küria Igürü,     Ni Jesû wetü;     Ii, ni Mwathani wetu! 2.  Bakimüthika o,  Jesû Münküüri Gikurungune kiu,  Mwathi wetu. 3.  Akaria ibari o,  Jesû Münküüri; Kenda atiritwa,  gikurungu-ne. 4.  Ntuku ya ithatü,  Jesû Münküüri; Arauma mbirira,  Mwathi wetu. 5.   Akaria bau nabo,  baramaka mono; Na baragwa nthĩ o,  kagita o kau.

116. Riitwa ria Jesû Mwathani

  1.  Riitwa ria Jesû Mwathani, Rikumague ni bonthe; Matune o na nthigûrû, Ni Riitwa Rîinene 2.  No We wagiri kwinairwa, NA Ni baria aaküürire; Ni Jesû watukuîrîîre, Tümükaathageni. 3.  Araika ba Murungu, No Wenka bagoongaga, Na ntuura îu ya Igürû, Ni We ûmiathaga. 4.  Tücemanagieni twinthe, Tügoongage Mwonokia, Oria üri rürigene Rüünene Igürü.

117. Kumieni riitwa ria Jesû

 1.  Kumieni riitwa ria Jesû, Araika kinya bo; Bamukumie na bagoonge, Münene üũ wetu. 2.  Kinya batui tuteethagua, Tütige Trema; Gwirueni ni untu bwa wendo, Bwa Mwathani wetu. 3.  Migongo yonthe irĩa, Itwire nthigûru; Bütigwirîrue tharike, Na kĩao kĩa Müküüri. 4.  Jesû aacoka gükũ nthĩ, Atuîke mugambi; Akaethua Münene wa, Antu bonthe ba nthĩ. 5.  Twakinya nture-ne îrîa; Atwire Îgürü Türi amwe na antu bonthe ku Tügakumia Jesû.